As jüngste Dochter steiht man ümmers een beten afsiets. So geiht dat de Grafendochter Lovisa: De twee öllsten Söstern sünd smucker un klööker un üm se dreiht sik allns. Lovisa hett nix anners as Bööker un dröömt vun de grooten Leev un vun Aventüürn. Allns ännert sik, as se een Wesen - half Minsch un half Beest - ut'e Kniep helpen deit. Een bööse Flöök kümmt op de Familie daal un Lovisa mutt dat Schicksaal een lange Nees dreihn.

Autorentext
Swen Moritzen is in Slesvig-Holtsteen groot worrn. Vun lütt an harr he bannig geern Määrken vörleest kreegen (Afsünners de Määrkens ut Skandinavien un de plattdüütschen Wisser-Määrkens hett he nienich noog vun kregen kunnt.) Hüütigendaag vertellt he sülm geern Määrkens un Geschichten. He leevt mit sien Fruu, veer Kinners in Ostholtsteen.