Warm, bsinnlech u e chly schelmisch eso sy d Wiehnachtsgschichte vom Martin Leuenberger. Mit sym fyne Humor u mit vil Liebi zum Detail bringt er d Mönsche zum Rede, wo me guet kennt: d Nachbarin, wo zvil macht, dr Buur, wo ame Tannli-Frevler us der Patsche hilft, dr Pfarrer, wo sech uber e z perfekti Chrippe wunderet. I jedem Kapitel luuchtet öppis vom eigentleche Sinn vo Wiehnachte u vom Wunder, dass Gott Mönsch wird. Ds Buech wird vo de stimmige Bilder vo syre Frou Eva Leuenberger begleitet, wo mit ihrer Kamera ds Liecht u d Wermi vo de Gschichte i jedem Bild ygfange het. E Hampfele Gschichte, grad rächt fur d Wiehnachtszyt zum Läse, zum Nachedänke u o chly zum Schmunzle.

Autorentext
Martin Leuenberger, 1969 gebore, isch im spannende Gwärbdorf Riggisbärg im Gantrischgebiet ufgwachse. Chrippespiel u Sunntigsschuelwiehnachte sy prägendi Erläbnis gsy. Ir Zyt vom Gymer u Theologiestudium isch er i vurschidene Arbeitsfälder tätig gsy, zum Byschpil ir Pfleg. Syt 1997 schaffet är mit Fröid als Pfarrer, zersch z Kussnacht am Rigi, när z Amsoldinge, u syt 2022 ir Chilchgmeind Sigriswil. Er wohnt mit syr Frou Eva z Merlige. I syr Tätigkeit begägnet er vurschidenschte Mönsche e Rychtum, wo inspiriert. Geng ume merkt er, dass e Botschaft denn z Härze geit, we me Gschichte vo Mönsche vurzellt. Das isch byre Ungerrichtsklass nid angers als im Altersheim.

Klappentext

Warm, bsinnlech u e chly schelmisch - eso sy d Wiehnachtsgschichte vom Martin Leuenberger. Mit sym fyne Humor u mit vil Liebi zum Detail bringt er d Mönsche zum Rede, wo me guet kennt: d Nachbarin, wo zvil macht, dr Buur, wo ame Tannli-Frevler us der Patsche hilft, dr Pfarrer, wo sech über e z perfekti Chrippe wunderet. I jedem Kapitel lüüchtet öppis vom eigentleche Sinn vo Wiehnachte - u vom Wunder, dass Gott Mönsch wird. Ds Buech wird vo de stimmige Bilder vo syre Frou Eva Leuenberger begleitet, wo mit ihrer Kamera ds Liecht u d Wermi vo de Gschichte i jedem Bild ygfange het. E Hampfele Gschichte, grad rächt für d Wiehnachtszyt - zum Läse, zum Nachedänke u o chly zum Schmunzle.